Etibar Məmmədov “Vətən Övladı” mükafatı ilə təltif olundu

“Dədə Qorqud  Fondunun” Prezidenti Eldar İsmayılov Azərbaycan Milli İstiqlal Partiyasının fəxri lideri ,İstiqlalçı deputat, Azadlıq hərəkatının liderlərindən biri Etibar Məmmədova  70 illiyi münasibətilə keçirilən tədbirdə “Vətən Övladı” mükafatını təqdim edib. Bu mükafat indiyədək Azərbaycanın say-seçmə övladlarına, Milli qəhrəmanlara, elm, ədəbiyyat və incəsənət xadimlərinə, dövlət başçılarına, din xadimlərinə, vətən, dövlət qarşısında xidməti olan insanlara təqdim edilib. Mükafatın təqdim edildiyi insanlar sırasında ölümlərindən sonra Milli qəhrəmanlar Mübariz İbrahimov, Albert Aqarunov, elm və incəsənət xadimləri akademik Ziya Bünyadov, Tahir Salahov, Məmməd Araz kimi korifeylərin adı var.

Bütün İstiqlalçılar adından “Dədə Qorqud “ Fondunun rəhbərliyinə öz təşəkkürümüzü bildirir, Etibar bəyi bir daha təbrik edir ,ona uca Tanrıdan cağ sağlığı, uzun ömür, fəaliyyətində bundan  sonra da uğurlar arzulayırıq.