Arzuxan Əlizadə Ombudsman aparatından danışdı: “Müraciətlər get-gedə artır”

“Ölkə vətəndaşlarının Ombudsman aparatına müraciətləri get-gedə artır. Bu da təsisata olan etimadın göstəricisidir”.

Oxu.Az xəbər verir ki, bunu Milli Məclisin İnsan hüquqları komitəsinin bugünkü iclasında komitənin sədr müavini, deputat Arzuxan Əlizadə deyib.

O bildirib ki, ölkə daxilində Ombudsman aparatına müraciət edən vətəndaşların məmnunluğu məsələsində, eyni zamanda bu institutun beynəlxalq əlaqələrinin genişlənməsi də rol oynayır:

“Digər məsələlərlə bağlı da deyə bilərəm ki, təsisatın son illərdə insanların etimadı baxımından çəkisi də xeyli artıb. Bu baxımdan, mən digər namizədlərə də uğurlar arzu edirəm, lakin Səbinə Əliyevanın namizədliyini dəstəkləyəcəyəm”.